काठमाडौं । चलचित्र ‘लाज शरणम्’को मुख्य कलाकार सिताराम कट्टेल ‘धुर्मुस’को ‘गेटअप’लाई पूर्वमन्त्री तथा कांग्रेस नेता मोहम्मद आफतव आलमसँग मिलेको आरोपमा अदालतमा मुद्दा दायर भएको छ । आलमका पक्षबाट उच्च अदालत पाटनमा दायर गरिएको उक्त मुद्दामा, ‘धुर्मुस’ले बिनाइजाजत आफ्नो मुखाकृति र ‘गेटअप’ आलमसँग मिलाएको दाबी गरिएको छ ।
अदालतले केन्द्रीय चलचित्र जाँच पास समिति (सेन्सर बोर्ड)को निर्णय नभएसम्म आलमसँग मिल्ने उक्त पात्रको प्रचार नगर्न र प्रचार सामग्री युट्युब र अनलाइनबाट हटाउन अन्तरिम आदेश दिएको छ ।
तर, सेन्सर बोर्डले केही सिन हटाउन भने पनि आलमजस्तै देखिने चरित्रमा आपत्ति जनाएन र चलचित्र ‘लाज शरणम्’ पूर्वनिर्धारित मिति फागुन १४ मा रिलिज भयो ।
‘लाज शरणम्’मा आलमजस्तै देखिने पात्र व्यापारीको भूमिकामा छन्, जसले भारतबाट नेपाल व्यापार गर्न आएका छन्, र यसै कारण चलचित्र सेन्सरबाट पास भएको हो ।
त्यस्तै, आलमसँग मिल्ने शंकाअनुसारको कथासमेत बुधबार रिलिज भएको अर्को चलचित्र ‘फेरि रेशम फिलिली’मा देखिन्छ, जसमा नीर शाहले धम्की दिने चरित्र निभाएका छन् ।
