228
Shares
काठमाडौं, चैत २७ – राजधानीको तीनकुनेमा चैत १५ गते भएको राजावादी आन्दोलनका क्रममा आगजनी र तोडफोडमा संलग्न भएको आरोपमा एक जना थप व्यक्ति पक्राउ परेका छन्।
ललितपुर महानगरपालिका–२७ निवासी ५३ वर्षीय कमलकुमार विष्टलाई प्रहरीले नियन्त्रणमा लिएको हो। उनलाई नेपाललाई श्रीलंका र बंगलादेशको मोडलमा अघि बढाउनुपर्छ भन्ने अभिव्यक्ति दिँदै फेसबुकमा उत्तेजक पोस्टहरू लेखेको र विभिन्न व्यक्तिहरूलाई ट्यागसमेत गरेको अभियोगमा पक्राउ गरिएको हो।
काठमाडौं प्रहरी परिसरका अनुसार विष्टमाथि आपराधिक उपद्रवसम्बन्धी मुद्दामा काठमाडौं जिल्ला अदालतबाट २० दिनको म्याद थप अनुमति प्राप्त गरेर अनुसन्धान भइरहेको छ।
