167
Shares
ओम प्रकाश यादव/१७ फाल्गुण /रौतहट : रौतहटको माधवनारायण नगरपालिकाका एक जना वडा अध्यक्षको मृत्यु भएको छ ।
माधवनारायण नगरपालिका -४ विशुनपूर्वा मानपुरका वडा अध्यक्ष रामदेवी मुखिया विनको आज बिहान असामायिक निधन भएको छ ।
लामो समयदेखि गम्भीर प्रकृतिका रोगसँग लड्दै आएका वडा अध्यक्ष मुखियाको आज बिहान ७ बजे आफ्नै घरमा मृत्यु भएको उनका छोरा राम कलेबर मुखियाले जानकारी दिएका छन् ।
केही वर्षदेखि अस्वस्थ रहँदै आएका उनलाई बचाउन उनका छोरा राम कलेबरले विभिन्न अस्पतालमा उपचार गराउँदै आएका थिए ।
बुबालाई बचाउन छोरा राम कलेबरले निकै प्रयास गरेतापनि अन्तत उनलाई बचाउन सकेनन् ।
नेकपा माओवादीबाट २०७९ मा भएको स्थानीय तहको निर्वाचनमा उनी लगातार दोस्रो कार्यकालको लागि वडा अध्यक्षमा निर्वाचित भएका थिए ।
त्यस्तै २०७४ को चुनावमा पनि उनी माओबादीबाट नै वडा अध्यक्षमा निर्वाचित भएका थिए ।
नेकपा माओवादी पार्टीमा लामो समयदेखि आबद्ध रही काम गर्दै आएका वडा अध्यक्ष मुखियाको निधनले माओवादी पार्टीलाई अपूरणीय क्षती समेत पुगेको छ।
