91
Shares
काठमाडौं । युक्रेन र अमेरिका खनिजसम्बन्धी सम्झौताका सर्तहरूमा सहमत भएका छन्। युक्रेनका एक उच्च अधिकारीका अनुसार, दुवै देशले सम्झौताका लागि महत्वपूर्ण संशोधनहरूमा सहमति जनाएका छन्, तर विस्तृत विवरण भने दिइएको छैन।
अमेरिकाले युक्रेनको खनिज पदार्थबाट ५०० अर्ब डलर कमाउने प्रारम्भिक सर्तलाई फिर्ता लिएको छ, तर सम्झौतामा सुरक्षा ग्यारेन्टीको कुनै उल्लेख छैन, जुन युक्रेनको मुख्य माग थियो। अमेरिकी राष्ट्रपति डोनाल्ड ट्रम्पले युक्रेनी राष्ट्रपति भ्लोदिमिर जेलेन्स्कीलाई यस सम्झौतामा हस्ताक्षर गर्न वाशिंगटन आउन सक्ने बताए।
युक्रेनमा दुर्लभ खनिज पदार्थहरूको ठूलो भण्डार रहेको छ, जसका धेरै क्षेत्रहरू हाल रूसको नियन्त्रणमा छन्। यी खनिजहरूको प्रयोग विद्युतीय कार, आधुनिक हतियार र सैन्य उपकरणहरूको निर्माणमा गरिन्छ।
ट्रम्प प्रशासन यस सम्झौताले युक्रेन र रुस बीच युद्धविरामको प्रयासमा सहयोग पुर्याउने विश्वास गर्दछ।
