67
Shares
काठमाडौं – अमेरिकी राष्ट्रपति डोनाल्ड ट्रम्पले बिहीबार चीनबाट आयात हुने सामानमाथि १० प्रतिशत थप शुल्क लगाउने घोषणा गरेका छन्। यससँगै उनले क्यानाडा र मेक्सिकोमाथि आगामी हप्ता शुल्क लगाउने योजना अघि बढाउने बताएका छन्। ट्रम्पले ‘अस्वीकार्य’ लागूपदार्थ तस्करीलाई कारण देखाउँदै क्यानाडा र मेक्सिकोमा पनि शुल्क लगाउने चेतावनी दिएका छन्।
यस घोषणाले विश्वव्यापी व्यापार युद्धको डर फैलाएको छ, जसले एसियाली बजारमा नकरात्मक प्रभाव पार्ने सम्भावना देखिएको छ। ट्रम्पले फेन्टानिल मुद्दामा समस्या समाधान नभएसम्म शुल्कहरू लागु हुने बताएका छन्। चीनका लागि पनि १० प्रतिशत शुल्क मार्च ४ देखि लागु हुने उनले जनाएका छन्।
अमेरिकी अधिकारीका अनुसार फेन्टानिलको मुद्दामा पर्याप्त प्रगति नभएको र चीन, मेक्सिको र क्यानाडासँग अतिरिक्त कारबाही गर्नुपर्ने आवश्यकता रहेको छ। ट्रम्पको धम्कीले प्रमुख निर्यातक देशहरूमा असन्तोष फैलाएको छ।
