146
Shares
काठमाडौं। अमेरिकी राष्ट्रिय सुरक्षा सल्लाहकार माइक वाल्ट्जले युक्रेनलाई गुप्तचर जानकारी दिन बन्द गरिएको घोषणा गरेका छन्। गुप्तचर जानकारी आदानप्रदानमा रोक लगाइएको बारेमा पत्रकारहरूसँग कुरा गर्दै उनले भने, “हामी एक कदम पछि हटेका छौँ।”
सन् २०२२ मा रुसको आक्रमणपछि अमेरिकाले युक्रेनलाई गुप्तचर जानकारी उपलब्ध गराउँदै आएको थियो। वाल्ट्जले ट्रम्प प्रशासनले युक्रेनसँगको सम्बन्धका सबै पक्षहरूमा पुनर्विचार गरिरहेको बताए।
युरोपेली सेना प्रमुखहरूको बैठकको घोषणा गर्दै फ्रान्सेली राष्ट्रपति इमानुएल म्याक्रोनले भने कि फ्रान्सले अमेरिकी सहयोगबिना भविष्यमा अगाडि बढ्न तयार रहनु पर्नेछ। रुस र युक्रेनबीच विगत तीन वर्षदेखि युद्ध जारी छ।
