काठमाण्डौ – आज आईसीसी च्याम्पियन्स ट्रफी क्रिकेटमा बङ्गलादेश र न्युजिल्यान्ड बीच प्रतिस्पर्धा हुनेछ। समूह ‘ए’ का यी दुई टोली पाकिस्तानको रावलपिन्डीमा दिउँसो पौने ३ बजे खेल खेल्दैछन्।
बङ्गलादेशले यसअघिको खेलमा भारतसँग पराजित भएको थियो भने न्युजिल्यान्डले पाकिस्तानलाई हराएको थियो।
च्याम्पियन्स ट्रफीमा सहभागी टोलीहरू दुई वर्षअघि भारतमा आयोजना भएको एकदिवसीय विश्वकप क्रिकेटको शीर्ष ८ टोलीहरूबाट छनोट भएका छन्। समूह ‘ए’ मा पाकिस्तान, भारत, बङ्गलादेश र न्युजिल्यान्ड छन् भने समूह ‘बी’ मा अस्ट्रेलिया, अफगानिस्तान, इङ्गल्यान्ड र दक्षिण अफ्रिका छन्।
समूहका शीर्ष दुई टोली सेमिफाइनलमा पुग्नेछन्, र फाइनल खेल मार्च ९ तारिख अर्थात् फागुन २५ गते हुनेछ।
